Cadu - Zaubern auf Aserbaidschanisch :D
CADU insanın bədəninə, psixikasına, həyatına qara magiya vasitəsilə yönəldilən dağıdıcı təsirdir. Nəticədə hədəf seçilmiş insanda həyat enerjisinin qismən və ya tam parçalanması baş verir.
Cadu cadugər tərəfindən xüsusi ayinlərlə həyata keçirilir. Cadunun 2 istiqaməti var: cadu olunan adama və geri, cadu edən insana. Ona görə cadugərlər özlərini qorumaq üçün əks təsiri sifarişçinin özünə yönəldir.
Cadunun konkret tapşırığı var. Təyinatına görə cadunun növləri bunlardır:
- sonsuzluğa;
- uğursuzluğa;
- ölümə;
- səs tellərinə;
- ailənin dağılmasına;
- ər, arvad xəyanətinə;
- xəstəliyə;
- kasıblığa, pulsuzluğa;
- tənhalığa;
- qorxu və depressiyaya;
- evə.
Cadunu zərərsizləşdirmək baxıcı və ya ekstrasensin qüvvəsi daxilində deyil. Bu işlə xüsusi insanlar məşğul olur. Çünki baxıcı və cadunu çıxarmaqla məşğul olan insanın imkanları tamam fərqlidir. Cadunun təsirini zərərsizləşdirməklə məşğul olan insanın qüvvəsi, enerjisi böyük olmalıdır. Ona görə də rastınıza çıxan hər baxıcının sözü ilə cadu olunmağa inanmaq və tez-tələsik onu aradan qaldırmaq üçün kimlərəsə müraciət etmək düzgün deyil. Hər bir şeyə elmi, nəzəri və ağılla yanaşmaq lazımdır.
Cadu olunmasına şübhə doğuran əlamətlər:
- psixi və emosional pozğunluq;
- qadın xəstəlikləri, sonsuzluq
- ailənin ciddi səbəb olmadan dağılması, planlaşdırılmış toyun baş tutmaması;
- pul çatışmamazlığı, daimi kasıblıq;
- yolda tez-tez qəzaya uğramaq;
- özünü qəsdə, intihara cəhd etmək;
- cavan qadınlarda aylıq siklin kəsilməsi;
- güzgüyə baxarkən özünüzü çirkin görüb, baxışlarınızdan qorxmaq;
- göz bəbəyində qırmızı gözün görünməsi;
- orqanizmin susuzlaşması, quruması;
- evdə qəflətən qarışqa, tarakan, siçan, siçovulun çoxalması;
- evdə əşyaların, xüsusən şüşə qabların qəflətən yerə çırpılması;
- uşaq yatarkən dişlərini qıcıması, rahat yata bilməməsi;
- qısa müddət ərzində həddən artıq arıqlama;
- mütəmadi olaraq dəhşətli yuxular görmək və yuxuda qışqırıb, hövlnak ayılmaq;
- cavan oğlan və ya qızın sevdiyi, görüşdüyü ola ola ailə qura bilməməsi;
- ev və küçə qapısında müxtəlif əşyalar tapmaq torpaq, qan, şəkər, duz, lələk, iynə, çiy yumurta;
- qadının üzündə böyük piqment ləkələrinin yaranması;
- həkim müayinəsi nəticəsində səbəbi məlum olmayan xəstəliklərin baş qaldırması;
- insanın halsızlaşması, dilinin üzərinin çatlaması;
- normal həyat sürən oğlan və ya qızın birdən-birə içkiyə, siqaretə, narkotikaya qurşanması və s.
Cadu yemək, içmək, geyim, saç, şəkil vasitəsilə edilə bilər. Caduda element kimi dırnaq, müxtəlif yağlar, düyü, qara və qırmızı saplar, şəkil, ayaq izindən torpaq, sancaq, duz istifadə oluna bilər. Bu cadunun hansı məqsədlə olunmasından asılıdır.
Cadunu insan özü bilməyərəkdən də edə bilər. Məsələn: məzarlıqda saç daramaqla, şəklini qəbiristanlığa atmaqla və ya paltarından bir hissə məzarlıqda qalarsa, bu artıq həmin insana mənfi təsirini göstərəcək.
Cadudan qorunmaq üçün ən sadə üsullardan bəzilərini qeyd etmək olar:
- İlk növbədə insan ətrafdakılara öz planları, gəliri və nədən razı qaldığı barədə informasiya ötürməməlidir, bu bir çox insanlarda paxıllıq yarada bilər;
- Yad adamın evində paltarlarınızı saxlayanda, saçlarınızı darayanda diqqətli olun.
- Dini üsullara müraciət etmək də çox yaxşı nəticə verir. Məsələn; «Nəsr», «Fatihə», «İxlas», «Fələq», «Qədr» «Ayətəl Kürsi» surələrini hər gün səhər və axşam oxumaqla insan cadu, bədnəzər, sehr və tilsim kimi təsirlərdən özünü müdafiə edə bilər.
- Adi yanar şamı bədənin ön və kürək hissəsindən yuxarıdan aşağıya doğru hərəkət etdirməklə;
- Üzərinizə 3 dəfə soyuq su tökmək də effektlidir.
- Amma ən effektli üsul savadlı mütəxəssis tərəfindən cadunun zərərsizləşdirilməsidir.
hehehe
Bir de bir riski var, deyirler cadunu sehv etdikde, cadu onu edenin üstüne qayidar. Belke ele edibler, qayidib gelib amma üstümüze ki, bu güne düshmüshük