@ nadja
esch de brief acho?
wönsche üch vell spass bim Hockeymatsch...
l.g
nadia
Re: @ nadja
jo i hane öbercho ond i werde druf reagiere, aber ned jetz ond ou ned do.
s ishockey game esch voll geil gsi! i ha mi ide verteidigong (för da, dassi da s erstmol mache) ned schlächt ghalte, fendi.
Re: @ nadja
fröit mi...
wär gern cho zueluege, aber mini muetter stresst gad echli...
naja ergendwenn werds scho klappe....
esch d elena jetz ou cho?
wievell hender gspellt?
wenn hend ehr de nechst matsch?
l.g
Re: @ nadja
@joe
e muess d lilo no für e mittwuch abmälde se esch go boarde...
l.g
Re: @ nadja
@ nadia
danke, für d'abmäldig vode lilo. lieber hettis, wenn sich diejenig spieleri würdi sälber abmälde. es hett glaub jedi alli date vo mer, damit si rasch en entschuldigung chönnti duregä.
bi eus sind jo jetzt scho schiferie und dorum wirds am di und am mi wahrschiendli eh en reduzierte betrieb gä. s'gliich isch au no nöchst wuche z'erwarte. aber ab em 15.2. isch denn wieder voll betrieb agseit und mer müend is gross in a.... chlemme um no s'nötig rüschtzüg für d'meisterschaft azeigne!
zum iishockey isch z'äge, dass d'organisation ufem iis und sicher au de gooli usschlaggebend gsi isch, dass d'familie haefeli (de phippu, min brüedsch mit sim sohn und fründin, schö vode fründin, min schwoger mit sim sohn (7 jährig), en kolleg vo eus und ich) gwunne händ. guet die andere händ au eine weniger gha und das hettmer gäge schluss scho gmerkt, will si denn nüme eso möge händ. aber bi eus isch de 7-jährig und schwö vom micha sinere fründin au ned würkli viel gfahre, eso isches grad öppe ufs gliiche usecho. mer händ echli gschickter gwächslet und sind au konditionell echli besser gsi als die andere. sogar de 7 jährig pfüderi hett 2 goal gmacht! trotz em klare sieg, wo nur am aafang in frog gstellt gsi isch (mer send 2:0 hinde gsi) isches eifach toll gsi. ech glaube au de nadja (trotz de niederlag) hetts dusse gfalle. sicher au ihrer kollegin, de shirin, obwohl die ned eso guet uf de schliffschue gstande isch (öppe eso wie ech ;-) ). d'elena hett vode muetter us ned dörfe cho und hett sich abgmäldet.
so, jetzt wünsch ich dir, dass du gliich no i d'berge chasch abduube und dette die herrlichi schneepracht chasch gnüsse.
bis bald wieder einisch joe
Re: @ nadja
jo joe, velech stönd mer den pöötzlech elei do am dsischdig, da wär den schono schad... aber secher ou lostig :-)
also gester esch scho mega wetzig gsi ond i mues also säge storm wär öberhopt nüt för mech, aber ide verteidigong hani mi teilwis ned schlächt gmacht, aber i ha ou es paar bösi fähler denne gha... :-) s katastrophalste bi mer send d päss gai, i ha nor sälte de pögg dödäne chönne schüsse woni ne hät welle, dorom wär ou de storm ned so guet gsi för mech. jo üsi organisation hed chli z wönsche öbrig glo, i be oft elei dehende gsi ond den send plötzlech weder 3 gälbi vor mer gstande ond naja ufe goali vo üs hed me jo nor bide erste reaktion chönne zälle, den esch er nochär blibe legge.... de chlini esch gar ned so liecht gsi zum decke, wel tschegge hesch ne ned chönne ond ergendwie esch er den glich no schnäll gsi sobald er de pögg kontroliert het. was mer natürlech gnuetuig gä het esch, dassi der es klars goal vermiset han :-)))
i ha mehrmols dänkt ah ez chond de phippu, ez chani ne äntli mol tschegge, aber ergendwie esch den plötzlech de phippu nöime anderscht uftoucht ond den hani scho weder de mischa verwötscht, grrr!
naja es esch no allemal lostig gsi ond emmer weder es erläbnis wo onvergässlech esch! i ha mi nämli den gli mol afo wohl füele ou ufem fäld ond i ha meh gwogt (wels jo ned wehdo het, wenn me omgheit esch) ond ou emmer meh esch mer glonge :-)
Re: @ nadja
@joe
merci..........
hebed en schöni zyt zäme
Re: @ nadja
wönsche euch vell spass hüt zobe
@joe
es hed imfall klapped med em roman mer träffe eus höt zobe...
weiss zwar ned han der jo gseit gha du söllsch das mail ned läse,
aber e dänke mol du hesch es glich gläse:)
fröie me mega uf ehn...werd sicher toll oder ou ned emol luege...
also e hoffe ehr zwei send hüt ned nur die einzige wo gönd oder süsch chönned ehr jo es egomätschli mache oder was ou emmer:)
liebi grüess
p.s: ehr chönntet jo morn ou en schneehötte baue oder so schneemanne/schneefraue und die nähr probiere abe z schiesse guet ehr chönned üch natürlech ou gägesitig schneebäue aschmeisse:)
jäjo be gad voll guet zwägg und jo denne han e immer so blödi idee:)
macheds guet
Re: @ nadja
@ nadia
mer (d'nadja und ech) sind ned elei gsi. es sind no d'snj, d'änu, d'anna, d'laura, d'secil, d'elena, d'vale und d'tanja is training cho. mer händ ufem platz zersch 2x 5 m in schnappball gmacht. eso hämmer schön so ööpe 20x10 breiti flächi abetrampet, denn hämmer rugby gmacht und denne no 2x 15 min tschuttet. es isch voll glatt gsi. d'änu het am schluss wiene schneefrau usgseh!
morn ide halle werdemer ned eso viel si, aber easy, ich bi dett und d'secil chunnt sicher au!
am nöchste zischtig hetts hoffentli immerno schnee, damit mer wieder ufe platz chönd go. mer sind rächt znufe cho und alli händ öppis für ihri kondition chönne mache.
du hesch höffentli au en schöne obe gha. es freut mi, dass du das date so schnell hesch chönne abmache und ich hoffe für di, dasses guet usechunnt. ich drücke dir de duume, oder au beidi. aber s'tschutte würdi wäge dem sicher ned ufgäh, nüm eifach eso viel überall hi reise um ztrainiere, aber 2x uf rinech und denn no ane match, da vertreits scho. oder meinsch ned?
bis bald lg joe
Re: @ nadja
@ Joe
Es esch so verdammt wonderschön gsi be jetz emmer no am tröime vo ehm...Zersch esch alles chli verchlemmt gsi, aber denne esch plötzlech weder die gwohnti Stemmig zrogg cho und mer send üs weder sehr nöch gsi....shitt chan das gar ned in Wort fasse be no ganz am schwäbe....
Uf jede Fall träffe mer üs Morn weder und e be scho ganz närvös druf und chan s chum erwarte ehn weder i mine Arme z halte und ehn z berüehre....E hät nie im Läbe dänkt gha, dass es höt so schön werd und han me eigentlech uf öbis ganz anders igstellt gha, aber es esch eifach gad alles weder ufecho und e muess säge e be sauglöcklech und chönnt gad die ganz Wält omarme. Leider muess er weder go schaffe morn und dorom hemmer üs ou nur 3 Stunde chönne gseh, aber die 3 Stunde send eifach wie söll e säge wie imene Troum gsi und e hät gärn nochli witertröimt....
fröit mi, dass höt glich so vell cho send und so wie du gschrebe hesch hend ehr ou de mega fun gha...jo e muess das med rinach nomol aluege, aber e dänke scho, dass e weder chome....er hed mer sogar gseit gha, dass e weder söll goh obwohls secher ned liecht för ehn gsi esch....du weisch was e dermet meine....
so und jetz wönsch e üch för morn no es schöns Training...Gniesseds nochli ohni me:-) und wär weiss, vellech stohn e bald weder med üch ufem Fäld
Mega liebi Grüess
und bes bald
Nadia