happy birthday phippu

Hoi du

So jetz besch du scho 18ni

D Zyt vergoht mängisch sehr schnell und me muess emmer luege, dass me sech ned in Alltag dued verlüre und jede Tag als öbis wärtvolls und kostbars dued aluege....
Med 18ni stöhnd der jetz sicher mehMöglechkeite offe, aber natürlech treisch jetz d Verantwortig sälber för dis Läbe und es lit a der was drus wellsch mache...
E wönsche der ganz vell Glöck, Liebe, Hoffnig, Fröid, Spass am Läbe und wenn s der emol ned so guet goht,öber wo de weder chan uffoh und der chan zeige wie schöns s Läbe doch eigentlech esch wenn mes zueloht eifach glöcklech z si....E han vell öber dini Wort nochedänkt wo du mer gseit gha hesch, dass e ned emmer gad s negative söll gseh und du hesch dermet vollkomme rächt gha...E be jetz mega glöcklech und z frede med mim Läbe....
E hoffe du wersch höt rechtig guet chönne fire und en schöne Tag erläbe wo i dim Härze en Platz bes id Ewigkeit wird fende und eifach unvergässlech för de wird si....

Liebi Grüess
Nadia

Re: happy birthday phippu

hey brüeder-härzli!
ha dänkt schriibe jetz au mol e dini "lieblings-hp" (",)
wönsche der aaaaaalles gueti zom geburi! besch e hammer brüeder! au wemmer ame chli ome zicke zäme! hihi da musses au mol geh gäu!
freu mi au vör DECH dasst "ändlech" 18ni besch! jetzt chasch de chli go ome cruise met dim schwöschterli! da hesch mer nämlech versproche! jaja..
auso wönsch der ganz e schöne obe..ned zwöud gäu!

Re: happy birthday phippu

hey merci velmol er zweh höbsche;))))))
jojo schwöschterli, i weiss dass ders versproche ha.......aber da heisst ned dass i di emmer ond öberal änefahre gel;)