Alkoholrechner
Auf der Seite News nach unten scrollen bis zum Stichwort Alkohol. Klick - und ein kleines Programm berechnet die Alkoholpromille nach deinen Eingaben.
Da wird bald ersichtlich: "Äs verlidet fasch nüme, - scho hettme 0,5 Promille".
isch ja schlimm... darf ja nid mau 3stange nä:(
aber glich mi dünkts wemä fahrt söume uf alkoholischi getränk verzichde
____________________
Es kann Dir jemand die Tür öffnen - hindurchgehen mußt Du selbst
Dä Alkoholrächnär fingäni ä guäti sach! Mir isch klar wordä: Wemä me wot suffä muäsmä zimmläch Gwicht zuälegä!;-)
i ha ono öppis derzue wöue säge....
e bekannte vo mir isch vor zwe wuche zfrutige kontrolliert worde u het 0.56 promille gha. dfolge sie e 650.- fränkegi buess und e fuessmarsch am morge am 5i vo frutige bis uf spiez gsi. er het zouto müesse 24 stund zfrutige bir polizei la stah und heilouffe!!
i säge nume eis derzue...
es lohnt sech würklech nid!!
gruess roger
ich ha kei mitleid mit dene wos verwütscht mit alkohol am schtüür. wer fahrt trinkt nid und wer trinkt fahrt nid... ganz eifach...
mit em töff han i für mich sälber e 0promille gränze definiert, will i uf dem gfährt alli sinn und no es paar zuesätzlichi zu 200% intakt ha mues. ich mues ja nid nume für mich sondern für alli andere au luege (so hanis jetzt scho es paar jahr und zimmli vill kilometer ohni unfall gschafft *holzanfass*). wänni mit em auto noimet bin mags guet 1 glas zum aaschtosse liide. bi dem bliibts aber. wänni weiss, dassi alkohol wird trinke fahrt entweder öper ander oder ich bi mit em öv/z'fuess underwägs.
____________________
wo die kacke dampft ... ist es kalt!
Hallo Roger, danke für dini Superischtellig, - so isch es richtig u nid anders.
Wär fahrt trinkt nid, - wer trinkt fahrt nid!!
Wie hesches de mit dem Nikotintescht?
Ä liebe Gruess
hihi,
de nikotintescht isch für mich nid würkli g'eignet... ich rauche nid...
sälte kiffi mal eis, als gmüetliche uusklang am abig. uf em balkon, vilicht no es glas wii. choschte tuetsmi nüt. tabak chani de fründin uusriisse (sie raucht) und gras hani us eignem aabou (isch ganz e schöni balkonpflanze über de summer - sehr dekorativ).
aber ebe, das isch zimmli sälte. en grosse teil vo de ernti rüeri änds jahr in chübel.
au bim kiffe gilt s'gliiche wie mit em alkohol... dummerwiis isch s'thc no es wiili im bluet naazwiise, au wännmer scho wieder fahrtüchtig wär. wännmer en bluettescht mues abgää hangetmer, au wänns zwei oder drü tag schpöter isch...
____________________
wo die kacke dampft ... ist es kalt!