alles gueti zum geburri, herrmann

alles gueti zum geburri, herrmann

wünsch ich dir hüt bi dem schöne wätter!
nur no 4 jahr und du häsch ziit zum versoue uf dinere bmw!

gruess us winterthur
roger



____________________
wo die kacke dampft ... ist es kalt!

Re: alles gueti zum geburri, herrmann

Hallo Roger
Ganz härzliche Dank für diner liebe Wünsch! Das geit nüme me 4 Jahr, i la mi mit 62 la pensioniere. Hoffe ganz fescht einigermasse dörfe gsund z blibe um mi de vermehrt um mi BMW chöni z' kümmere.
A liebe Gruess nach Winterthur
Hermann

Re: alles gueti zum geburri, herrmann

Da schliesse mi grad a mit de Glückwünsch u gratuliere öich o zum Geburtstag.

Gruess dr Generau

Re: alles gueti zum geburri, herrmann

Danke General, bisch wider uf de Bei?


____________________
Geh oft den Weg zum Haus deines Freundes, denn Unkraut überwuchert sonst den unbenutzten Pfad!

Re: alles gueti zum geburri, herrmann

Ja so einigermasse muessmi no chli stiu ha aber nächscht wuche darfi it schueu cho aber no nit ga bügle u zum glück ha derloubnis übercho zfäudschiessä ga zmache das git o chli abwächslig.

mir chunt scho  öpis i sinn zmache anstatt umelige,lehre das isch guet

Re: alles gueti zum geburri, herrmann

mit 62gi scho?!?! häsch so schlimmi schüeler?
demfall nur no 1 jahr und bezahlti ferie bis as läbesänd... so schöön!

ich hoffe, du wirsch no mindischtens 200 jährig und chasch s'zweirädrige läbe no mit volle züge gnüsse. das isch ebe de nachteil wämer so schpaat merkt, was töff fahre für es geils hobby isch - dänn chamers nachher weniger lang uusüebe...



____________________
wo die kacke dampft ... ist es kalt!

Re: alles gueti zum geburri, hermann

Du, äs het scho Schueler wo eim am Närv risse, das isch wahrschinlich normal, aber di si o nid hie im Forum, - will das git ja Arbeit öppis z schribe...
Nei dr Grund isch di finanzielle Lag vor Lehrerversicherigskasse, wettä bi 60 bisch, muesch eigentlich ga, süsch luegsch hindere.

I bi mir würklich gröig nid früecher mit Töffahre a gfange zha, aber i ha als Teacher so viel Töffunfäll vo mine Jungs erläbt, dass ig gar nie Luscht ha gha. I hoffe ig chönis jitz di nächste Jahr no chli gniesse. Weisch nid rase wie di Junge, gmütlich, a halte d' Ussicht gniesse, Freud ha a dr Natur, nid dr Grind (du das isch Bärndütsch o heisst Chopf) abe u los wiene Ragete.

Re: alles gueti zum geburri, herrmann

General wünsch dir no gueti Besserig, mach dr Chranz im Schiesse, bis nächste Mittwoch wieder ir Schuel. Hesch ds Awatar gwäschlet. Macht sich guet die Schwizerfahne!

Re: alles gueti zum geburri, herrmann

hihi, du mueschmer s'berndütsch nid erchlääre. ich ha berner verwandtschaft...

hoppla, ich wär demfall au sonen schwierige schüeler gsi. ich ha nie vill für d'schuel gmacht. nur grad s'nötigscht... bi mängem lehrer uf d'nerve gange mit minere lauerige art. nur d'note sind halt gliich guet gsi. wenigschtens i de naturwüsseschaftliche fächer. schprache hani immer doof gfunde. nur änglisch isch gange, wills bi ois i de verwandt- und bekanntschaft au änglischschprächendi hät.

ich bi halt no jung und schnäll... aber wänni dänn alt und langsam bi wirdi gliich kei bmw fahre



____________________
wo die kacke dampft ... ist es kalt!

Re: alles gueti zum geburri, herrmann

I wünsche euch aus guete zum 61. Geburtstag!!! Aus guete fürs witere läbä!!

General, ono gueti besserig vo mire site!! U wäg dim Bild; EHRE TREUE VATERLAND!!!

so i mues iz no mini Wandmontage ga abdrücke mit 15bar, i wünsche no ä hiube!