Ond grad no eine os em Toeff-Forum.ch

Ond grad no eine os em Toeff-Forum.ch

Sali zäme.

Au ech be of das Forum dor's Töff-Forum ufmerksam worde. Ech chome os Alpnach. Wärded wohrschindlech ned vel könne. Aber... do ech extrem gärn Töff fahre, esch das en ideale Platz. 20min bes zom Brünig. Ond nochhär beni so zemli schnell be de schönste Päss.

Zo mer. Ech be 23gi ond ha, we de Toretto au, Informatiker glehrt. Au ech be keine vo den Freaks wemer si siech emmer vor stellt. Also ned eine, wo wenn er vom schaffe hei chond, au no die ganz Ziit am PC setzt.
En zwöscheziit hani met mim Vater, de Mueter ond mim jöngere Brüetsch es eigeds gschäft gfönded. TS-Management GmbH. Lueged doch mol onter www.ts-management.ch dri. Cha ned schade .
E minere Freiziit goni näb dem, dass ech sehr vel of em Töff hocke, gärn go chlättere. Letschte Früehlig hani mol s Tauchbrevet gmacht. Wenn i de mol weder me Gäld ha, de werdi mer au en Tauchusröstig chaufe ond vermehrt go Tauche. Aber die Sache miete esch halt scho rüdig tür.

Das wärs mol för de Afang. Wenn er no Froge hend, de nor zue. Ech gebe gärn Uskonft.

En schöne Tag e allne.

Gruess Peak

Re: Ond grad no eine os em Toeff-Forum.ch

Salute Peak... :-)

Re: Ond grad no eine os em Toeff-Forum.ch

Shit sorry han mich vergässä ahzmeldä...




____________________
Wenn das Handgelenk den Verstand beherrscht,
kannst du auf ein grosses Kiesbet hoffen.

Re: Ond grad no eine os em Toeff-Forum.ch

Hoi Peak und herzlig Willkomme in däm Forum. Mir kenne is jo au scho...

Was für Tauchzeug willsch Du chaufe, due evetl. mini Sache verchaufe..

Re: Ond grad no eine os em Toeff-Forum.ch

salute zäme ben ja au eine vom toeff-forum.ch

cu charlie

Re: Ond grad no eine os em Toeff-Forum.ch

@bigKTM. jo das wär de doch öpis womer e betracht zie müesst. was hesch du? ond was wördisch, falls es de verchaufsch de för welle?

 Re: Ond grad no eine os em Toeff-Forum.ch

Hallo Peak

Du, mich freut das ganz "verruckt" dass da ein Alpnacher zu mir ins Forum gefunden hat! Sei ganz herzlich

.

Von wegen Alpnach nicht kennen! Mein lieber Peak, 10 lange WK's habe ich als Flugzeugspengler in den Stollen von Buochs verbracht (Moment: darf ich das überhaupt schreiben, ist doch top-geheim), - dabei waren auch Besuche in der Basis Alpnach. Die "Suiebere" der Innerschweiz hatten's mir angetan; da gab's manchen Kaffee-Träsch, das kann ich dir sagen ...  Au weia, der Ryter fängt an in Nostalgie.

Du hast die Töffstrecken tatsächlich vor dem Haus, - ich aber auch! Gerne hoffe ich, dass wir uns bald mal treffen werden, - wenn du wieder mal über den Brünig donnerst! Zwischendurch tauchst du, suchst du nach verborgenen Schätzen in den Innerschweizerseen? Pass aber auf, könnte ja sein, dass du eventuell versenkte Munition findest.

Deine/eure Homepage werde ich mir Morgen . wow s'ist ja schon Heute ansehen.

Vorerst sei gegrüsst - und danke für's Mitmachen.

Mit liebem Gruss

Hermann

Auch für dich hat sich die Foren-Musik versammelt und bringt dir ein Begrüssungsständchen.

. .. und weisst du was sie spielt? Das Stück heisst: "Es donnert einer Richtung Brünig!"